ئاگادارکردنەوەیەکی توند لە پیرێزەوە بۆ یاریزانەکانی ڕیاڵ مەدرید

پەیام سپۆڕت - بڕیار تەها

یانەی ڕیاڵ مەدریدی ئیسپانی سەرجەم یاریزانەکانی ئاگادارکردووەتەوە، ڕێگری لە ڕۆیشتنی هیچ کامیان ناکرێت ئەگەر یاریزانێک نیازی ڕۆیشتنی لە یانەکە هەبێت.

 ڕیاڵ مەدرید لەگەڵ چابی ئاڵۆنسۆ پڕۆژەیەکی نوێی دەست پێکردووە و تاکو ئێستاش ئاڕنۆڵد لە لیڤەرپووڵ و هاوسنی لە بۆرنمۆس گواستووەتەوە.

سەبارەت بە ڕۆیشتنی یاریزان، ڕۆژنامەی مارکای نزیک لە یانەکە ئاشکرای کردووە، فلۆرێنتینۆ پیرێزی سەرۆکی یانەی شاهانە بە ڕوون و ڕاشکاوی بە یاریزانەکانی ڕاگەیاندووە، هەر یاریزانێک نیازی ئەوەی هەیە لە یانەکە بڕوات ئازاد و سەربەستە دەتوانێت بڕوات.

سەرچاوەکە ئەوەشی ئاشکرا کردووە، پیریز بە یاریزانەکانی ڕاگەیاندووە تەنیا یەک مەرجیان هەیە، ئەویش ئەوەیە گرێبەستێکی یانەیەک بهێنن کە داواکارییەکانی ڕیاڵ مەدرید جێبەجێ بکات و گرێبەستێکی گونجاو بێت، ئەوا ڕاستەوخۆ یانەکە واژوو لەسەر ڕۆیشتنی دەکات.

ئەم هەنگاوەی ڕیاڵ مەدرید لە کاتێکدایە ماوەی چەند هەفتەیەکە باس لە ڕۆیشتنی ڕۆدریگۆ و سێبایۆس و ئاندری لونین دەکرێت.