13/06/2025
406 جار خوێنراوەتەوە
مۆساد بنكەی سەربازیی تایبەت بە درۆن و چەكی تایبەتی لەناو خاكی ئێراندا دروستكردووە
پەیام
میدیاى زایۆنی ئاشكرایکرد بەر لە هێرشەكەی ئەمشەو دەزگای مۆساد دزەی كردووەتە ناو خاكی ئێرانەوە و بنكەی درۆن و چەكی تایبەتی لەناو ئێراندا دروستكردووە.
ڕۆژنامەی هائارتسی ئیسڕائیلی لە سەرچاوەیەكی ئەمنیی قەوارەكەوە بڵاویكردەوە: ماوەیەكی دوورودرێژ بەر لە هێرشەكە، دەزگای هەواڵگریی مۆساد بنكەیەكی شاراوەی فڕۆكەی بێفڕۆكەوانی لە ناو خاكی ئێران دروست كردووە.
هەروەها ئاژانسی ڕۆیتەرز لە زاری بەرپرسێكی ئەمنیی زایۆنیەوە بڵاوی كردووەتەوە، هێزەكانی كۆماندۆی سەر بە مۆساد پێش هێرشەكان لە ئێران كاری ئاڵۆزیان كردووە.
ئەو سەرچاوەیە دەڵێت: كارمەند و سیخوڕەكانی مۆساد چەكی ورد و تایبەتیان دزە پێ كردووە بۆ ناو خاكی ئێران و لە نزیك پێگە مووشەكییەكانی ئێران جێگیریان كردووە بۆ ئەوەی بەر لە هێرشەكان لەناویان ببەن و توانای بەرپەرچدانەوەی فڕۆكە ئیسڕائیلییەكانیان نەبێت.
سەرۆكی یەكەی هەواڵگری لە سوپای داگیركەری زایۆنی ڕایگەیاند، لە حاڵەتی ئامادەباشیی تەواودان، جەختیشی كردەوە: ئێران هەوڵ دەدات بۆ بەرەوپێشبردنی توانا ئەتۆمییەكانی بەشێوەیەكی خێرا.
لە تۆڕە کۆمەڵایەتیەکان شەیری بکە