13/06/2025
197 جار خوێنراوەتەوە
ئەنجوومەنی ئاسایش و ئاژانسی نێودەوڵەتیی وزەی ئەتۆم لەسەر داوای ئێران كۆدەبنەوە
پەیام
ئەنجوومەنی ئاسایش و ئاژانسی نێودەولەتیی وزەی ئەتۆم لەسەر داوای ئێران بە جیا كۆدەبنەوە.
ئاژانسی هەواڵی ڕۆیتەرز بڵاوی كردەوە، ئەنجوومەنی ئاسایشی نێودەوڵەتیی سەر بە نەتەوە یەكگرتووەكان لەسەر داوای ئێران كۆدەبێتەوە و تاوتوێی هێرشەكانی بەرەبەیانی ئەمڕۆی قەوارەی زایۆنی بۆ سەر ئەو وڵاتە دەكات.
ئەمەش دوای ئەوە دێت عەباس عێراقچی، وەزیری دەرەوەی ئێران نامەی بۆ 15 ئەندامی ئەنجوومەنی ئاسایش نارد و داوای كرد سنوورێك بۆ قەوارەی داگیركەر دابنێن و ڕێگە مەدەن تاوانەكانی بێ سزا تێبپەڕن.
هاوكات ئاژانسەكانی هەواڵ بلاویان كردەوە، دوای هێرشەكانی بەرەبەیانی ئەمڕۆ، ئاژانسی نێودەوڵەتیی وزەی ئەتۆم لەسەر داوای ئێران بڕیاری داوە ڕۆژی دووشەممەی داهاتوو 16 ی حوزەیران لە ڤییەننای پایتەختی نەمسا كۆببێتەوە و تاوتوێی لێكەوتەكانی هێرشەكە لەسەر وێستگە ئەتۆمییەكانی ئێران بكات.
لە تۆڕە کۆمەڵایەتیەکان شەیری بکە