17/06/2025
354 جار خوێنراوەتەوە
ئهمریكا پێشنیازی دانوستان بۆ ئێران دهكات
پهیام
ماڵپەڕی ھەواڵیی "Axios News"ی ئەمریکی بڵاوی کردەوە کە واشنتۆن پێشنیازی كردووە كە کۆبوونەوەیەك لەگەڵ تاران سەبارەت بە دۆسیەی ئەتۆمی، ئەنجام بدرێت.
چوار بەرپرسی ئەمریکا بە ماڵپەڕەکەیان ڕاگەیاندووە کە ئەمریکا لەگەڵ ئێران ئەنجامدانی کۆبوونەوەیەکی تاوتوێ کردووە کە ئەگەری ھەیە ئەم ھەفتەیە لەنێوان نوێنەری تایبەتی ئەمریکا بۆ کاروباری ڕۆژھەڵاتی ناوەڕاست، ستیڤ ویتکۆف و وەزیری دەرەوەی ئێران، عەباس عراقچی بە ئامانجی گەیشتن بە ڕێککەوتنی ئەتۆمی و ڕێککەوتنی ئاگربەست لەنێوان تاران و تەل ئەبیب، ئەنجام بدرێت.
یەکێک لە بەرپرسەکان ئەوەی گوتووە: "لەئێستادا، ھەڵسەنگاندن بۆ ئەگەری ئەنجامدانی کۆبوونەوەکە لە میانی ئەم ھەفتەیە لەنێوان ستیڤ ویتکۆف و عەباس عراقچی دەکرێت".
ھەروەھا ماڵپەڕەکە ئاماژەی بەوەشداوە کە ئیدارەکەی دۆناڵد ترەمپ لە دوو ڕۆژی ڕابردوودا، پێشنیازەی ئەنجامدانی کۆبوونەوەکەی پێشکەش بە ئێران کردووە.
لە تۆڕە کۆمەڵایەتیەکان شەیری بکە