پاپا ڕه‌خنه‌ له‌ هه‌ڕه‌شه‌كانی تڕه‌مپ دژ به‌ ئێران ده‌كات

ناکۆکییە ئاشکراکانی نێوان دۆناڵد ترەمپ، سەرۆکی ئەمریکا و پاپا لیۆی چواردەیەم لەسەر پاشخانی جەنگ لەگەڵ ئێران پەرەی سەندوە. 
ناکۆکییەکە دوای ئەوە دەستی پێ کرد کە پاپا ڕەخنەی لە هەڕەشەکانی ترەمپ دژی ئێران گرت و بە "قبوڵنەکراو" وەسفی کردن، هەروەها داوای کرد ڕێگەی ئاشتی بەسەر بژاردەکانی دیکەدا زاڵ بکرێت. 
لە بەرانبەردا، ترەمپ لە ڕێگەی پلاتفۆرمی "تروس سۆشیاڵ" ەوە هێرشێکی ڕاستەوخۆی کردە سەر پاپا و هەڵوێستەکانی ناوبراوی لە سیاسەتی دەرەوەدا بە لاواز ناوبرد. 
هاوکات ناکۆکییەکان فراوانتر بوون و پرسەکانی دیکەی وەک ڤەنزوێلا و کۆچبەرانیشی گرتەوە؛ پاپا ڕەخنەی لە سیاسەتەکانی واشنتن گرت و جەختی لەسەر پێویستی ڕێزگرتن لە کەرامەتی مرۆیی و مافی کۆچبەران کردەوە. 
لە بەرانبەردا، ترەمپ پاپای تۆمەتبار کرد بەوەی لە دەورە ئایینییەکەی خۆی لایداوە و دەستوەردان لە کاروباری سیاسی دەکات، ئاماژەی بەوەش کرد کە پشتیوانی لێ ناکات. 
سەرەڕای پەرەسەندنی گرژییەکان، پاپا خۆی لە ڕووبەڕووبوونەوەی کەسی بەدوور گرت و جارێکی دیکە بانگەوازی خۆی بۆ کۆتاییهێنان بە جەنگەکان و برەودان بە گفتوگۆ نوێکردەوە.