جوتیاران داوا ده‌كه‌ن بۆ ساغكردنه‌وه‌ی به‌رهه‌می ناوخۆ ڕێگری له‌ به‌رهه‌می ده‌ره‌كی بگرن

په‌یام
جوتیاران شاره‌زوور داوا له‌ وه‌زاره‌تی كشتوكاڵی حكومه‌تی ماوه‌به‌سه‌رچووی هه‌رێم ده‌كه‌ن بۆ ساخ بوونه‌وه‌ی به‌رهه‌می ناوخۆ ڕێگری له‌ هاورده‌كردنی به‌رهه‌می ده‌ره‌كی بگیرێت.

به‌شێك له‌جوتیارانی شاره‌زوور له‌كۆنگره‌یه‌كی ڕۆژنامه‌وانیدا ڕایانگه‌یاند: به‌هۆی هاورده‌كردنی به‌رهه‌می ده‌ره‌كیه‌وه‌ به‌رهه‌مه‌كانی خۆیان بۆ ساغ نابێته‌وه‌، جوتیاران ده‌ڵێن : له‌هه‌ردوومه‌رزی باشماخ و په‌روێزخانه‌وه‌ به‌ئاشكرا به‌رهه‌می ده‌ره‌كی له‌ ئێرانه‌وه‌ دێته‌ خاكی هه‌رێمی كوردستان و ئه‌مه‌ش له‌كاتێكدایه‌ كه‌ به‌رهه‌می ناوخۆ زیادله‌به‌شی پێویستی هاووڵاتیان ده‌ كات و له‌ئێستاشدا كاتی پێگه‌یشتنی به‌رهه‌مه‌كانیانانه‌.
 به‌وته‌ی جوتیاران به‌هۆی نه‌بوونی بازاڕی پێویست و ساغ نه‌بونه‌وه‌ی به‌رهه‌ مه‌كانیان تووشی زه‌ره‌رێكی زۆروبون و ته‌نیا ماندوبونیان بۆماوه‌ته‌وه‌ .