دڕۆنێک لە مەخموور کەوتە خوارەوە و ھیچ زیانێکی نەبووە

کەمێک پێش ئێستا دڕۆنێک لە قەزای مەخموور باشووری ڕۆژھەڵاتی پارێزگای نەینەوا کەوتووەتە خوارەوە و تیمەکانی ئەمنی گەیشتوونەتە شوێنەکە و سەرقاڵی لێکۆڵینەوە و پشکنینن.

کەوتنە خوارەوەی ئەم دڕۆنەی لە کاتێکدایە کە لە ھەینی ڕابردووەوە شەڕ لە نێوان ئێران و عێراق دەستی پێکردووە و چەند جارێک دڕۆن لە ئاسمانی عێراق و ھەرێم بنیراوە و چەند دانەیەکیش کەوتوونەتە خوارەوە.

لەمیانی ھەفتەیەکدا ئەمە شەشەمین دڕۆنە لە ناوچەکە دەکەوێتە خوارەوە کە پێنج دانەیان لە سنووری پارێزگای ھەولێر بووە بە جۆرێک دوو دانەیان لە سنووری قەزای بەحرکە و دوو دانەیان لە سنووری شارەدێی شەمامک و یەک دانەشیان لە سنووری قەزای قوشتەپە کەوتووەتە خوارەوە.

بەپێی زانیارییەکان بەیانی ئەمڕۆش دڕۆنێکی دیکە لە قەزای مەخموور کەوتووەتە خوارەوە و تا ئێستا لایەنە فەرمییەکان ھیچ ڕاگەیاندراوێکیان لەمبارەیەوە نەبووە.