4 کاتژمێر پێش ئێستا
88 جار خوێنراوەتەوە
ئیسرائیل: لە نوێترین هێرشدا 15 فڕۆكەى سەربازیی ئێرانمان لەناو بردووە
پەیام
ماوەی 13 ڕۆژە پێكدادانە سەربازییەكانی نێوان قەوارەی زایۆنی و ئێران بەردەوامە و لە نوێترین پێشهاتدا قەوارەی زایۆنی شەش فڕۆكەخانەی سەربازیی ئێرانی بۆردومان كرد و ڕایگەیاند، 15 فڕۆكە و هێلیكۆپتەری سەربازی ئێرانیی لەناو بردووە.
سوپای زایۆنی ڕایگەیاند، شەوی ڕابردوو توانیویانە چەند پێگـەیەكی سەربازی لە تاران، كەرەج، ئازەربایجانی ڕۆژهەڵات، تەبرێز و كرماشان بۆردومان بكەن.
هەروەها سوپای زایۆنی ڕاشیگەیاندووە، بە فڕۆكەی بێفڕۆكەوان شەش فڕۆكەخانەی سەربازی ئێرانییان لە ڕۆژهەڵات و ناوەڕاست و ڕۆژاوای ئێران بۆردومان كردووە و لەو بۆردومانەشدا 15 فڕۆكەی شەڕكەر و هێلیكۆپتەری ئێرانییان لەناو بردووە.
سوپای زایۆنی ڕایشیگەیاندووە، لە بۆردومانەكەیاندا بۆسەر فڕۆكەخانەكانی ئێران هێزی كارپێكردنەوەی فڕۆكەخانەكانیان لەناو بردووە و ئێران ناتوانێت دیسانەوە كار بە فڕۆكەخانەكان بكاتەوە.
لە تۆڕە کۆمەڵایەتیەکان شەیری بکە