5 کاتژمێر پێش ئێستا
99 جار خوێنراوەتەوە
نیویۆرك تایمز: گرووچە چەكدارەكان خۆیان بۆ لێدانی بنكەكانی ئەمریكا ئامادە دەكەن
پەیام
میدیای ئەمریكا دەڵێت، گرووپە چەكدارەكانی نزیك لە ئێران دەیانەوێت هێرش بكەنە سەر بنكە سەربازییەكانی ئەمریكا لە عێراق و سووریا.
ڕۆژنامەی نیویۆرك تایمز، لە زاری چەند بەرپرسێكی ئەمریكاوە بڵاوی كردوەتەوە، لە دوای هێرشی 22ی ئەم مانگەی ئەمریكا و قەوارەی زایۆنی بۆسەر ئێران، گرووپە چەكدارەكانی عێراق كە نزیكن لە ئێران، ئامادەكاری دەكەن بۆ لێدانی بنكە و سەربازییەكانی ئەمریكا لە عێراق و سووریا.
نیویۆرك تایمز ئەوەشی بڵاو كردووەتەوە، گرووپی بەرەی مقاوەمە لە عێراق، هەروەها كەتائیبی حزبوڵڵا پلانیان داناوە بە مووشەك و فڕۆكەی بێفڕۆكەوانی خۆكوژ لە بنكەكانی ئەمریكا بدەن ئەمەش وەك وەڵامێك بۆ هێرش و دەستدرێژییەكانی ئەمریكا لە ئێران.
ئەمە لە كاتێكدایە لەدوای هۆشداریدانی ئەمریكاوە بە حكومەتی عێراق دوای جەنگی سەر غەززە و لوبنان، گرووپە چەكدارەكانی عێراق بێدەنگیان هەڵبژاردووە و بۆ خۆلادان لە وەڵام و هێرشی ئەمریكا و قەوارەی زایۆنی، خۆیان لە هێرش و بەئامانجگرتن دەپارێزن.
لە تۆڕە کۆمەڵایەتیەکان شەیری بکە