3 کاتژمێر پێش ئێستا
96 جار خوێنراوەتەوە
ئیسرائیل زیندانی ئەوینی بەئامانجگرت و بنكەی فۆردۆی ئەتۆمیشی بۆردومانكردەوە
پەیام
نیوەڕۆی ئەمڕۆ قەوارەی داگیركەری زایۆنی هێرشی نوێی كردە سەر ئێران، زیندانی ئەوین و بنكەی ئەتۆمی فۆردۆ و چەند شوێنێكی دیكەی بۆردومان كرد.
سوپای زایۆنی لە ڕاگەیەنراوێكدا بڵاویكردەوە، بۆردومانی دەروازەی چوونە ژوورەوەی زیندانی ئەوینیان لە باكوری رۆژاوای ئێران كردووە كە ئۆپۆزسیۆنی ئێرانی تێدایە، هاوكات میدیای ئێرانیش هەواڵەكەی پشتڕاستكردوەتەوە.
لەگەڵ ئەوەشدا وتەبێژی سوپای زایۆنی رایگەیاند، هێرشەكان بۆسەر ئێران چڕ دەكەینەوە و چاومان لەسەر پێگە و ئامانجەكانی سوپای پاسدارانی ئێران دەبێت.
سوپای زایۆنی راشیگەیاندووە، توانیویانە بنكەی (رەعد 2) لە ناوەڕاستی ئێران و هەروەها چەندین سەكۆی هەڵدانی مووشەكیی لەو ناوچەیە بۆردومان بكەن، هاوكات لە ناوەڕاستی تارانیش زانكۆی شەهید بەهەشتیی و بنكەی كۆمەڵەی مانگی سووری ئێرانی بۆردومانكراوە.
سوپای داگیركەری زایۆنی راشیگەیاندووە، هێشتا لە ئێرانەوە هەڕەشە بۆسەر قەوارەی زایۆنی بوونی هەیە و، نەڕەویوەتەوە، هەروەها درۆنەكانیان بە ئاسمانی ئێراندا دەسوڕێنەوە و، ئامانجی درۆنەكان بۆردومانكردنی سەكۆكانی هەڵدانی مووشەكە لە ناوچە جیاوازەكانی ئێران.
هاوكات شەوی ڕابردوویش شەش فڕۆكەخانەی ئێران بۆردومانكراو 15 فڕۆكەی سەربازی و هێلیكۆپتەری شەڕكەری ئێرانی لەناوبران.
لە تۆڕە کۆمەڵایەتیەکان شەیری بکە