5 کاتژمێر پێش ئێستا
123 جار خوێنراوەتەوە
بانكی ناوەندی: پلانمان نیە بۆ هەڵوەشاندنەوەی ئەو كارتە بانكیانەی ئێستا لای هاووڵاتیانن
پەیام
بانكی ناوەندی عێراق راگەیەنراوێكی لەسەر دەركردنی كارتی نیشتیمانی بۆ ڕاكێشانی دیناری عێراقی بڵاوكردەوە و رایگەیاندووە، دەركردنی ئەو كارتە جێگرەوەی ڤیزا كارت نییە و هیچ گۆڕانكارییەك بەسەر راكێشانی دۆلاردا لە دەرەوەی عێراق نەهاتووە.
ئەمڕۆ هەینی 4ـی تەمموزی 2025، بانكی ناوەندی عێراق روونكردنەوەیەكی بڵاوكردەوە و رایگەیاندووە، دروستكردنی كارتی نیشتیمانی بۆ راكێشانی دیناری عێراقی تەنها بۆ مامەڵەی ناوخۆییەو بە مەبەستی فرە چەشنكردنی بژاردە داراییەكان بۆ هاووڵاتیان دەخرێتە بواری جێبەجێكردنەوە.
بەپێی روونكردنەوەكەی بانكی ناوەندی، ئەو كارتە نوێیە جێگرەوەی ڤیزا كارت نییە، ئامانجی پڕۆژەكە بریتییە لە بەرزكردنەوەی هەمەچەشنكردنی بژاردەكانە بۆ هاوڵاتییان.
بانكی ناوەندی جەختی لەوە كردوەتەوە، هیچ پلانێك نییە بۆ هەڵوەشاندنەوەی ئەو كارتە بانكیانەی كە ئێستا لای هاووڵاتیانن یان قەدەغەكردنی مامەڵەكردن بە دۆلار لە دەرەوەی عێراق، هەڵگرانی ئەو جۆرە كارتە دەتوانن لە ناوخۆ و دەرەوەی وڵات بەكاریان بهێنن.
لە تۆڕە کۆمەڵایەتیەکان شەیری بکە