تیروشکی پاشکۆی ئاسیا بۆ گەیشتن بە مۆندیالی 2026 ڕاکێشرا

پەیام سپۆڕت - بڕیار تەها

تیروشکی پاشکۆی پاڵاوتنەکانی کیشوەری ئاسیا بۆ گەیشتن بە مۆندیالی 2026 ڕاکێشرا و هەڵبژاردەی عێراق بەرانبەر هەڵبژاردەکانی سعودییە و ئیندۆنیسیا یاریی دەکات.

ئەمڕۆ پێنجشەممە تیروپشکی یارییەکانی پاشکۆی ئاسیا بۆ مۆندیالی ٢٠٢٦ ئەنجامدرا، کە بڕیارە لە ئەمریکا و کەنەدا و مەکسیک بەڕێوەبچێت، شەش هەڵبژاردە بەشداری یارییەکانی ئەم قۆناغە دەکەن کە بریتین لە سعودیە، قەتەر، ئیماراتی، عێراق، عومان، و ئیندۆنیسیا ، یارییەکان بە سیستەمی خول لە قەتەر و سعودیە ئەنجام دەدرێن.

لە کۆمەڵەی یەکەم قەتەڕ و ئیمارات و عومان ڕووبەڕووی یەکدی دەبنەوە و یارییەکانی ئەم کۆمەڵەیە لە قەتەر ئەنجام دەدرێت، لە کۆمەڵەی دووەمیش هەڵبژاردەی عێراق بەرانبەر سعودییە و ئیندۆنیسیا یاری دەکات و یارییەکانی ئەم کۆمەڵەیەش لە سعودییە ئەنجام ددەرێت.

یەکەمەکانی هەر کۆمەڵەیەک راستەوخۆ دەگاتە مۆندیال، دووەمەکانیش بە سیستمی یاریی چوون و گەڕانەوە پاشکۆیەکی دیکە بەرانبەر یەکدی ئەنجام دەدەن و براوەیان دەبێتە پاشکۆی کیشوەرەکە و بەرانبەر پاشکۆی ئۆقیانوس یان تیپێکی ئەمریکای باکوور یاریی دەکات کە دواتر بڕیاری لێ دەدرێت.

وابڕیاریشە یارییەکان لە 8ی مانگی 10ی ئەم ساڵ دەست پێ بکات و لە 14ی هەمان مانگ کۆتایی بێت.