3 رۆژ پێش ئێستا
178 جار خوێنراوەتەوە
وردەکاری گرێبەستەکەی دۆناڕوما لەگەڵ مانچستەر سیتی بڵاو دەبێتەوە
پەیام سپۆڕت - مەڕوان تاڵیب
وردەکاری گرێبەستەکەی جیانلویجی دۆناڕومای ئیتاڵی لەگەڵ
یانەی مانچستەر سیتی بڵاو دەبێتەوە.
پێش داخستنی دەرگای مێرکاتۆی هاوینە گۆڵپارێزەکە بەبڕی
27 ملیۆن یۆرۆ لە پاریس سانجێرمانەوە ڕووی لە تیپەکەی گواردیۆلا کرد.
تۆڕی "فۆتبۆڵ ئیتاڵیا" ئاشکرای کردووە،
دۆناڕوما لە وەرزی یەکەمیدا لەگەڵ مانچستەر سیتی ساڵانە 15 ملیۆن یۆرۆ وەردەگرێت و
دواتریش لە دوو ساڵی کۆتایی بۆ هەر وەرزێک دەگاتە 17 ملیۆن یۆرۆ.
سەرچاوەکە ئەوەش دەخاتەڕوو، لە گرێبەستەکەیدا دۆناڕوما
سێ ملیۆن یۆرۆی دیکە وەک پاداشتەکان بە چەند مەرجێک جێگیر کراوە، یەکەمیان
پەیوەستە بە بردنەوەی نازناوی پرێمەرلیگ و چامپیۆنسلیگەوە و دووەمیان پەیوەستە بە
دەستکەوتە تاکەکەسییەکانەوە لەگەڵ یانە نوێیەکەیدا.
لە تۆڕە کۆمەڵایەتیەکان شەیری بکە