کیلیان مباپێ تەسلیم بوو

پەیام سپۆڕت - مەڕوان تاڵیب

کیلیان مباپێی فەڕەنسی و یاریزانی ڕیاڵ مەدرید ئاشکرای کرد، ئەمساڵ ناتوانێت خەڵاتی تۆپی ئاڵتونی بەدەست بهێنێت.

 لەمیانەی نوێترین لێدوانی ڕۆژنامەوانیدا، سەرەتا کیلیان ئاماژەی بەوەدا، هیوادارە کوڕێکی هەبێت کە ڕقی لە یاریکردنی تۆپی پێ بێت، چونکە تاکو پارەی زیاتری هەبێت کێشە زیاتر ڕووبەڕووت دەبێتەوە و کەس نازانێت لە پشت پەردەوە چی ڕوودەدات، لە داهاتووش ڕوون دەبێتەوە بڕیاری هاتنی بۆ ڕیاڵ هەڵە بووە یاخوود ڕاست.

مباپێ ئەوەشی خستەڕوو، ئەمساڵ ناتوانێت خەڵاتی باڵۆندۆر بەدەست بهێنێت، پێیوایە یەکێک لە دێمبڵی یان ئەشڕەف حەکیمی شایەنی خەڵاتەکەن.

هێرشبەرەکەی فەڕەنسا دەشڵێت: هەموو ڕۆژێک دووبارە خەونم بە یاریی کۆتایی مۆندیالەوە دەبینم، پێشیوایە زیدان تاکە کەسە لە مێژوودا نزیکەی هەموو شتێکی بەدەست هێناوە و چیرۆکێکە تەنیا یەکجار ڕوودەدات.

لە کۆتایدا مباپێ ئەوەی دووپات کردەوە، پاریس سانجێرمان نزیکەی 55 ملیۆن یۆرۆ قەرزارن و مافی ئەوەی هەیە لە ڕێگەی یاساوە بەدەستی بهێنێتەوە.