پیرێز تووڕەیە و سکاڵا تۆمار دەکات

پەیام سپۆڕت - بڕیار تەها

یانەی ڕیاڵ مەدریدی ئیسپانی بڕیاریداوە تانە لە کارتە سوورەکەی دین هاوسنی بەرگریکاری یانەکەی بدات.

 هاوسن لە خولەکی 32ی یاریی یانەکەی بەرانبەر ڕیاڵ سۆسیداد بە کاری سوور کرایە دەرەوە و ئەم کارتە سوورەش بۆچوونی جیاوازی لە نێو وەرزشکاران و میدیاکاندا دروست کرد.

بەپێی زانیارییەکانی ڕۆژنامەی مارکای نزیکە لە یانەی شاهانە، بەرپرسانی ڕیاڵ مەدرید بڕیاریانداوە بە فەرمی تانە و سکاڵا لە بڕیاری کارتە سوورەکەی دین هاوسن تۆمار بکەن.

لەسەر دوو بنەمای سەرەکیش تانەکە پێشکەش دەکەن، لە یەکەم خاڵدا یانەی ڕیاڵ مەدرید پێیوایە دین هاوسن کۆتا بەرگریکار نەبوو و لە تەنیشتی میلیتاو ئامادەبووە تائەوەی هەوڵی ڕێگریکردن لە هێرشەکەی سۆسیداد بدات، دووەم، مێرنگی پێوایە ماوەیەکی زۆر لە نێوان یاریزانی هێرشبەری سۆسیداد و گۆڵەکەی ڕیاڵ مەدرید هەبووە و دەرفەتەکە هەلێکی ڕوون نەبوو بۆ گۆڵ تۆمار کرد.

سەرچاوەکە باس لەوەش دەکات، لەناو یانەکەدا گەشبینی هەیە بەوەی تانەکە قبوڵ بکرێت و کارتە سوورەکەی دین هاوسن هەڵبوەشێتەوە.