ترەمپ: سێ بنكەی ئەتۆمی لە ئێران وێران كراون یان بە تەواوی لەناوچوون

پەیام 

ترەمپ بانگەشەی ئەوە دەكات كە سێ بنكەی ئەتۆمی لە ئێران وێران كراون یان بە تەواوی لەناوچوون.

دۆناڵد ترەمپ، سەرۆكی ویلایەتە یەكگرتووەكانی ئەمریكا، لەسەر تۆڕی كۆمەڵایەتی "تروس سۆشیاڵ"ی خۆی نووسیویەتی كە "سێ بنكەی ئەتۆمی لە ئێران وێران كراون یان بە تەواوی لەناوچوون."

ترەمپ دەڵێت: ئەو بنكانەی كە وێران كراون چەندین ساڵی دەوێت تاوەكو دووبارە بخرێنەوە كار و ئەگەر ئێران بیەوێت ئەو كارە بكات، باشتر وایە لە شوێنی جیاوازەوە سەرلەنوێ دەست پێبكەنەوە، پێش ئەوەی ئەم بنكانە بسڕدرێنەوە، ئەگەر بڕیاری وا بدەن."

ئەم لێدوانەی ترەمپ لە كاتێكدایە كە گرژییەكانی نێوان ئێران و وڵاتانی ڕۆژئاوا سەبارەت بە پرۆگرامی ئەتۆمی ئێران بەردەوامی هەیە.

 ئەمە و حكومەتی ئێران بەردەوام جەخت لەوە دەكاتەوە كە پرۆگرامە ئەتۆمییەكەی بۆ مەبەستی ئاشتیخوازانەیە، بەڵام وڵاتانی ڕۆژئاوا گومانیان لەوە هەیە و پێیان وایە كە ئێران هەوڵی بەدەستهێنانی چەكی ئەتۆمی دەدات.