كۆمیسیۆنى هەڵبژاردنەكانى عێراق: 46 كاندیدمان دوورخستوەتەوە

پەیام 

كۆمسیۆنی باڵای سەربەخۆی هەڵبژاردنەكان رایدەگەیەنێت، لەدوای وردبینیكردنی ناوەكانیان، 46 كاندید بۆ هەڵبژاردنی ئەنجومەنی نوێنەرانی عێراق دوورخراونەتەوە.

كۆمسیۆنی باڵای سەربەخۆی هەڵبژاردنەكان رایگەیاندووە،  46 كاندیدیان بۆ هەڵبژاردنی ئەنجومەنی نوێنەرانی عێراق دوورخستووەتەوە چونكە كێشە لە نوسراو و بڕوانامەكانیاندا هەبووە.

كۆمیسیۆن راشیگەیاندووە، لە ماوەی دوو رۆژی ئایندەدا پڕۆسەی وردبینیكردنی ناوی كاندیدانی هەڵبژاردنی ئەنجومەنی نوێنەرانی عێراق تــەواودەبێت.

كۆمیسیۆن دەشڵێت، حەوت هەزار و 900 كەس خۆیان كاندید كردووە، لەو ژمارەیە 46 یان تا ئێستا دوورخراونەتەوە، 11 یان بە خاوەن بڕوانامەی زانكۆ گۆڕدراون، سێ پیاو گۆڕدراون بە سێ ژن.

بڕیارە 11ـی تشرینی دووەمی ئەمساڵ هەڵبژاردنی ئەنجومەنی نوێنەرانی عێراق بەڕێوەبچێت.