پێش 2 هەفتە
151 جار خوێنراوەتەوە
داواكاری گشتیی پێشووی نێودەوڵەتی: بەڵگەكانی كۆمەڵكوژیی غـ.ەززە زۆر زۆرن
پەیام
داواكاری گشتیی نێودەوڵەتی پێشوو كە لە دادگای تاوانی نێودەوڵەتیدا كاری كردووە دووپاتی دەكاتەوە: ئەو بەڵگانەی كۆمەڵكوژیی غەززە دەردەخەن زۆر زۆرن.
(گراهام بلویت)ی ئوستوڕالی لە چاوپێكەوتنێكدا لەگەڵ كەناڵی ئێس بی ئێسی وڵاتەكەی ڕایگەیاند: ئەگەر دادگای تاوانی نێودەوڵەتی بەدەست من بووایە، كەیسێكم بۆ لێكۆڵینەوە لە بەرپرسانی قەوارەی زایۆنی بە تۆمەتی ئەنجامدانی تاوانی كۆمەڵكوژی دەركردەوە.
ناوبراو دۆخی غەززە و كۆمەڵكوژیی سرێیبرینتسا لە بۆسنە و هەرسك لە ساڵی 1995 بەراورد دەكات و باس لەوە دەكات "ویستی بەئەنقەست بۆ لەناوبردنی كۆمەڵەیەكی سیاسی، ئایینی، یان ئیتنی، یەكێكە لە نیشانە سەرەكییەكان بۆ ڕوودانی تاوانی كۆمەڵكوژی".
گراهام بلویت دەشڵێت: هیچ بەڵگەیەكی ڕوونتر لەو لێدوانانە نییە كە ناوبەناو لەلایەن هەندێك لە سەركردەكانی ئیسڕائیلەوە دەدرێن، ئاماژەن بۆ خواستی ئەوان بۆ سڕینەوەی فەڵەستینییەكان لەسەر ڕووی زەوی.
ئەو وتیشی: سوپای ئیسڕائیل بینایەك بۆردومان دەكات و بانگەشەی ئەوە دەكات كە سەركردەیەكی حەماس دەكەنە ئامانج، بەڵام گرنگ نییە 30، 40، 50، تەنانەت 100 هاووڵاتی مەدەنی بكوژرێن، یان بریندار بن!
لە تۆڕە کۆمەڵایەتیەکان شەیری بکە