پێش 2 هەفتە
201 جار خوێنراوەتەوە
ئێران سفرەکانی سەر دراوەكەی لا دەبات
پەیام
لیژنەی ئابووری لە ئەنجومەنی ڕاوێژ، پەرلەمانی ئێرانی پڕۆژەی لابردنی سفرەكانی سەر دراوی وڵاتەكەی پەسەند كرد و بەپێی پڕۆژەیاسا پەسەندكراوەكە چوار سفر لا دەبرێن.
پێگەی ئیكانای تایبەت بە ئەنجومەنی ڕاوێژ پەرلەمانی ئێران بڵاوی كردوەتەوە، لیژنەی ئابووری لە ئەنجومەنەكە ئەو پرۆژە یاسایەی پەسەندكردووە كە تایبەت بوو بە لابردنی سفرەكانی سەر دراوی ئێران، هەروەها ئەوەشی پەسەند كردووە كە "ریال" دراوی ئێران بێت.
بەپێی ڕێكارەكان، پێویستە پەرلەمانی ئێران پڕۆژە یاساكە پەسەند بكات و دواتریش ئەنجومەنی پێداچوونەوەی دەستووری ئێران پەسەندی بكات و پاشان بەپێی ڕێكارەكانی بانكی ناوەندی دەچێتە بواری جێبەجێكردنەوە.
بەپێی ئەو پڕۆژە یاسایەی كە ئێستا كاری لەسەر دەكرێت هەر ملیۆنێك ڕیاڵی ئێرانی كە ئێستا لە بازاڕەكانی ئەو وڵاتە بە 100 هەزار تمەن ناو دەبرێت، دەبێتە 100 ڕیاڵی نوێ، هەر ڕیاڵێكی نوێش وەك بەها یەكسان دەبێت بە دە ڕیاڵی كۆن.
لە تۆڕە کۆمەڵایەتیەکان شەیری بکە