9 کاتژمێر پێش ئێستا
150 جار خوێنراوەتەوە
به‌غدا.. شاندی هه‌رێم و به‌غدا باسی هه‌نارده‌ی نه‌وت و داهاتی هه‌رێمیان كردووه
شاندی حکوومەتی فیدراڵیی و شاندی حکوومەتی ھەرێمی کوردستان دۆسێەی بەرھەمھێنان و ھەناردەکردنەوەی نەوت، ھەروەھا دۆسیەی داھاتی نانەوتی و دۆسیەی تەوتینکردنی مووچەی مووچەخۆرانی ھەرێمیان تاوتوێ کرد.
وەزارەتی پلاندانانی عێراق لە ڕاگەیاندراوێکدا ئاماژەی بەوەداوە کە بەسەرپەرشتی جێگری سەرۆکوەزیران و وەزیری پلاندانانی عێراق، محەمەد عەلی تەمیم کۆبوونەوەیەکی فراوان و ھاوبەش لەنێوان شاندی حکوومەتی فیدراڵیی و شاندی حکوومەتی ھەرێمی کورستان ئەنجامدراوە.
ڕاشیگەیاندووە لە میانی کۆبوونەوەکەدا، دۆسيە ھەڵپەسێردراوەکانی نێوان ھەردوولا، خراوەتە بەرباس لەنێویاندا دۆسێەی بەرھەمھێنان و ھەناردەکردنەوەی نەوت، ھەروەھا دۆسیەی داھاتی نانەوتی و دۆسیەی تەوتینکردنی مووچەی مووچەخۆرانی ھەرێم.
باسی لەوەش کردووە کە لە میانی کۆبوونەوەکەدا، جەخت لەسەر ئەوە کراوەتە کە پێشڤەچوونی گرنگ لە نێوان ھەردوولادا بەدیھاتووە، بەتایبەتیش لە دۆسیەی بەرھەمھێنان و ھەناردەکردنەوەی نەوت، چونکە سەرجەم مەرج و داواکارییەکان بۆ دەستپێکردنەوەی بەرھەمھێنان و ھەناردەکردنی نەوت لە ڕێگای کۆمپانیای بەبازاڕکردنی نەوتی عێراق (SOMO)، تەواوکراون.
ئەوەشی خستووەتەڕوو کە بڕیاردراوە، گفتوگۆکانی نێوان ھەردوولا بە ئامانجی تەواوکردنی سەرجەم داواکارییەکانی پەیوەستدار بە دۆسیەکانی دیکە، بەردەوامبن.
لە تۆڕە کۆمەڵایەتیەکان شەیری بکە