پێش 2 هەفتە
201 جار خوێنراوەتەوە
ڕاوێژكارێكی سودانی: هەڕەشەكانی ئیسرائیل گەیشتوون بە عێراق
پەیام
ڕاوێژكارێكی ئەمنی سەرۆكوەزیرانی عێراق ڕایدەگەیەنێت، ئامانجی داهاتووی قەوارەی داگیركەری زایۆنی عێراقە و، هەڕەشەكانی ئەو قەوارەیە گەیشتوون بە عێراق.
خالد یەعقووبی، ڕاوێژكاری ئەمنی سەرۆكوەزیرانی عێراق لەمیانەی بەرنامەیەكی تەلەفزیۆنیدا جەختی لەوە كردەوە هەنگاو و ئامانجی داهاتووی قەوارەی داگیركەری زایۆنی لە ناوچەكەدا عێراق دەبێت و، هەڕەشەكانی ئەو قەوارەیە گەیشتوون، بەڵام حكومەت سەركەوتوو بووە لە دوورخستنەوەی عێراق لە جەنگ.
یەعقووبی وتیشی، پەیوەندییەكانمان لەگەڵ ئەمریكا بە بەهێزی هێشتوەتەوە، بەڵام گەر ڕووداوەكانی حەوتی ئۆكتۆبەر نەبوایە ئێستا هیچ سەربازێكی ئەمریكی لە عێراقدا نەدەما، چونكە ئەمریكا لە ساڵی 2011ـەوە بە ویستی خۆیان پلانی كشانەوەیان دانا، بەڵام تەنگەژە سیاسی و سەربازییەكانی ناوچەكە ئەوانی لە عێراقدا هێشتوەتەوە.
ڕاوێژكارەكەی سەرۆكوەزیران، هەروەها وتیشی، پێویستە پەیوەندییەكانمان لەگەڵ ئیدارەكەی تڕەمپ بە پلان بێت.
لە تۆڕە کۆمەڵایەتیەکان شەیری بکە