1 رۆژ پێش ئێستا
155 جار خوێنراوەتەوە
سوپای ئیسرائیل لەشكركێشی و ئۆپڕاسیۆنی سەر شاری غـ.ەززە فراوان دەكات
پەیام
سوپای داگیركەری زایۆنی فەرمانی بە دانیشتووانی شاری غەززە كرد ناوچەكەیان چۆڵ بكەن ڕاشیگەیاند، ئۆپراسیۆنی وشكانی بۆ سەر شارەكە بەرفراوان دەكات.
سوپای داگیركەری زایۆنی داوای لە ئاوارە و دانیشتووانی شاری غەززە لە باكووری كەرتی غەززە كرد بە خێرایی و بەبێ پشكنین شارەكە چۆڵ بكەن و دەتوانن ڕوو بكەنە شاری خان یونس لە باشووری كەرتی غەززە كە وەك ناوچەیەكی مرۆیی دیاریكراوە.
ڕاستەوخۆ دوای ڕاگەیەنراوەكەی سوپای داگیركەر، ئاوارەكانی شاری غەززە جارێكی دیكە ئاوارە بوونەوە و دەستیان بە رۆیشتن بەرەو باشوور كردەوە.
سوپای داگیركەر لە ڕاگەیەنراوێكی دیكەدا ڕایگەیاند، لە چوارچێوەی ئۆپرسیۆنی (گالیسكەكانی جەدعون 2) ئۆپراسیۆنی وشكانی بۆ سەر كەرتی غەززە فراوان دەكەن.
ئەمەش لەكاتێكدایە بزووتنەوەی حەماس و بەشێك لە ڕێكخراوە نێودەوڵەتییەكان هۆشدارییان داوە لەوەی هێرش و لەشكركێشی بۆ سەر شاری غەززە كارەساتی گەورەی لێ دەكەوێتەوە و قەیرانی مرۆیی دروست دەكات.
دوێنێش كەتیبەكانی قەسام ڤیدیۆیەكیان بلاو كردەوە كە دوو دیلی زایۆنی داوای ئاگربەست و ڕأگرتنی جەنگ دەكەن و دەڵێن هێرشكردنە سەر شاری غەززە بە مانای مردنی ئێمە دێت.
لە تۆڕە کۆمەڵایەتیەکان شەیری بکە