24 کاتژمێر پێش ئێستا
137 جار خوێنراوەتەوە
میسڕ: برسێتی لە غـ.ەززە دروستكراوی ئیسڕایلە و وەك چەكێك بەكاریدەهێنێت
پەیام
میسڕ ڕایدەگەیەنێت: بەرپرسیارێتی كەرتی غەززە لە ئەستۆی ئیسرائیلی داگیركەردایە، و پێویستە پێشنیازی ئەمریكا بۆ ڕاگرتنی جەنگ قبوڵ بكات.
لە كۆنگرەیەكی رۆژنامەوانی هاوبەشدا لە قاهیرە لەگەڵ فلیپ لازارینی كۆمسیاری گشتیی ئاژنسی فریاگوزاری و بەكارخستنی ئاوارە فەڵەستینییەكان (ئۆنروا)، بەدر عەبدولعاتی، وەزیری دەرەوەی میسر ڕایگەیاند: برسێتی لە كەرتی غەززە بە تەواوی دروستكراوی ئیسڕایلە و وەك چەكێك بەكاری دەهێنێت.
وەزیری دەرەوەی میسڕ پاكتاوكردنی دۆسیەی فەڵەستینی ڕەت كردەوە و داوای لە قەوارەی زایۆنییش كرد پێشنیازەكەی ستیڤ ویتكۆف نێردەی ئەمریكا بۆ ڕاگرتنی جەنگ و ئاگربەست لە كەرتی غەززە قبوڵ بكات.
ناوبراو ڕوونی كردەوە "خۆبەزلزانینی ئیسڕائیل و سەپاندنی مەرجی مەحاڵ بەربەرستی گەورەن لەبەردەم گەیشتن بە پێشكەوتنی بەرچاو لە ڕەوتی ڕاگرتنی جەنگ لە غەززە".
ئەمەو لە 18ی ئاب، مانگی ڕابردوو، بزووتنەوە حەماس ڕەزامەندی لەسەر پیشنیازی نێوەندگیرەكان بۆ ڕێككەوتنی ئاگربەست و ئاڵوگۆڕی دیلەكان دەربڕی، بەڵام قەوارەی زایۆنی وەڵامی پێشنیازەكەی نەداوەتەوە و نەتەنیاهوویش ڕێككەوتنی گشتگیری ڕەتكردەوە.
لە تۆڕە کۆمەڵایەتیەکان شەیری بکە