ئه‌سیپویا به‌نداوی نه‌هزه‌ ده‌كاته‌وه‌

په‌یام

ئەسیوپیا ئه‌مڕۆ سێشەممە بە فەرمی گەورەترین بەنداوی ئەفریقای کردەوە، پڕۆژەیەک کە کارەبا بە ملیۆنان ئەسیوپیی دابین دەکات بەڵام ناکۆکی لەگەڵ میسر قووڵتر دەکاتەوە.
ئەسیوپیا کە دووەم گەورەترین وڵاتی ئەفریقایە لە ڕووی ژمارەی دانیشتووانەوە، کە ١٢٠ ملیۆن کەسی تێدایە، بەنداوی گەورەی نه‌هزه‌ی له‌سەر لقێکی نیلی شین دروستکردووه‌ بە بڕی پێنج ملیار دۆلار..

لە بەیاننامەیەکدا ڕاوێژکاری وەزیری ئاو و وزەی ئەسیوپیا ڕایگەیاندووە، وڵاتەکەی لە ڕێگەی دانوستانێکی جددییەوە هەوڵدەدات نیگەرانییەکانی وڵاتانی دراوسێ سەبارەت بە بەنداوی نه‌هزه‌ کەم بکاتەوە.
ڕاپۆرتێکی ئاژانسی فرانس پرێس ئاماژە بەوە دەکات کە بەنداوی گەورەی نه‌هزه‌ جێگای شانازییە بۆ ئەسیوپیا، کۆدەنگییەکی دەگمەنە لە وڵاتێکدا کە چەندین ململانێی چەکداری بەخۆیەوە بینیوە، هەندێکیان تا ئێستا بەردەوامن، بەتایبەتی لە ناوچەکانی ئۆرۆمیا و ئەمهارا، کە دووەم گەورەترین ژمارەی دانیشتوانی وڵاتەکەیە و هەندێکیشیان کۆتاییان هاتووە..
لەو کاتەوەی بەردی بناغەی دانراوە، پرۆژەکە  ڕووبەڕووی ڕەخنەی توندی میسر بووەتەوە کە بە هەڕەشەیەکی وجودی دەزانێت، چونکە دەکرێت ببێتە هۆی دابەزینی سەرچاوە ئاوییەکانی.