4 کاتژمێر پێش ئێستا
143 جار خوێنراوەتەوە
سلێمانی.. دوو هاوسەر بە تۆمەتی دزینی دوو هەزار دۆلار دەستگیر كران
پەیام
لە سلێمانی دوو هاوسەر بە تۆمەتی دزینی دوو هەزار دۆلار دەستگیر كران، تۆمەتباران خەڵكی دەرەوەی هەرێمن و دانیان بە تاوانەکەیاندا ناوە.
هاوپێچ لەگەڵ تۆمارێكی ڤیدیۆیی بە كامێرای چاودێری، بەڕێوەبەرایەتی پۆلیسی پارێزگای سلێمانی بڵاویكردووەتەوە: دوای ئەوەی هاوڵاتییەك لە نووسینگەی نەهێشتنی تاوانی گەڕەكی ڕزگاری سكاڵای تۆماركرد لە دژی دوو كەس، كە چونەتە دوكانەكەی و بەناوی كڕینی شتوومەك و وەرگرتنەوەی زیادەی پارە، بڕی دوو هەزار دۆلاریان لە سكاڵاكار دزی بوو، لێكۆڵینەوەكانیان دەستپێكرد و بۆیان دەركەوت كە تۆمەتباران چوونەتە شارێكی دیكەی هەرێم.
بەپێی ڕاگەیەنراوەكەی پۆلیسی سلێمانی، سەرەنجام توانرا تۆمەتباران لەلایەن نوسینگەی نەهێشتنی تاوانی گەڕەكی ڕزگارییەوە دەستگیر بكرێن.
ئاماژە بەوەشکراوە "ئەو تۆمەتبارانە هاوسەری یەكدین و خەڵكی دەرەوەی هەرێمی كوردستانن، ئێستا ڕاگیراون و دانیان ناوە بەتاوانەكەیاندا".
لە تۆڕە کۆمەڵایەتیەکان شەیری بکە