14 کاتژمێر پێش ئێستا
101 جار خوێنراوەتەوە
وەزیری وزەی توركیا هەناردەكردنەوەی نەوتی هەرێمى پشتڕاستكردەوە
پەیام
لای خۆیشیەوە وەزیری وزە و سەرچاوە سروشتییەكانی توركیا هەناردەكردنی نەوتی عێراق بۆ توركیا پشتڕاست كردەوە.
ئاڵپارسلان بایراكتار وەزیری وزە و سەرچاوە سروشتییەكانی توركیا ڕایگەیاند، كاتژمێر 07:07 خوولەكی بەرەبەیانی ئەمڕۆوە هەناردەكردنی نەوت لە بۆری نەوتی خاوی عێراق-توركیا دەستی پێكردەوە.
لە پەیامێكیدا كە لە تۆڕی كۆمەڵایەتی (تویتەر) و (ئین سۆسیال) بڵاوی كردەوە، ئاڵپارسلان بایراكتار وەزیری وزە و سەرچاوە سروشتییەكانی توركیا وێرای ئاماژەدان بە دەستپێكردنەوەی هەناردەكردنەكە، نووسیوێتی: "لە كاتژمێر 07:07 خوولەكی بەرەبەیانی ئەمڕۆوە، هەناردەكردنی نەوت جارێكی دیكە بە ڕێگەی هێڵی گواستنەوەی نەوتی خاوی عێراق-توركیا دەستیپێكردەوە كە بە هۆی بوومەلەرزەكانی 6ی شوباتی 2023 بۆ ماوەیەكی كاتی داخرابوو و دواتر لە لایەن كۆمپانیای (بۆتاش)ەوە ئامادەی كەڵكوەگرتن كرایەوە".
لە تۆڕە کۆمەڵایەتیەکان شەیری بکە