29/09/2025
327 جار خوێنراوەتەوە
پڕۆسەی برسیكردن و بۆردومانكردنی كەرتى غـ.ەززە بەردەوامە
پەیام
724 ڕۆژە جەنگی سەر كەرتی غەززە بەردەوامی هەیە و قەوارەی داگیركەری زایۆنی لە پڕۆسەی برسیكردن و بۆردومانكردنی كەرتەكە بەردەوامە.
تەندروستی كەرتی غەززە ئەمڕۆ رایگەیاند: لە بەیانی ئەمڕۆوە 23 كەس بەهۆی بۆردومانكردنی ناوچە جیاوازەكانی كەرتەكەوە شەهید بوون، یەكێك لەوانە شیرەخۆرەیەك بووە و بەهۆی برسێتییەوە گیانی لەدەست داوە.
هەروەها ڕاشگەیەنرا: پڕۆسەی برسیكردن و بۆردومانی كەرتەكە بە چڕی بەردەوامی هەیە، بە تایبەتی لە شاری غەززە قەوارەی داگیركەری زایۆنی گەمارۆیەكی تەواوەتی لەسەر داناوە و هەموو جووڵەیەك بە ئامانج دەگرێت.
لەگەڵئەوەشدا كۆمەڵگەی پزیشكیی ناسڕ لە شاری خانیونس ئەوەی بڵاوكردەوە، نەبوونی ئامێرە پزیشكییەكان و چارەسەری پزیشكی لە نەخۆشخانەكاندا بووەتە مەرگەساتێكی گەورە و ڕۆژانە بریندار و نەخۆشەكان بەهۆی قەیرانی نەبوونی دەرمان و ئامێرە پزیشكییەكانەوە شەهید دەبن.
ئەوە لەكاتێكدایە، رۆژانە سوپای قەوارەی زایۆنی هۆشداری بە دانیشتوانی كەرتەكە دەدات و بەرەو ناوچەیەكی دیاریكراو ئاراستەیان دەكات، كە چەندین جار نەتەوە یەكگرتووەكان و ڕێكخراوەكانی كۆمەڵگەی مەدەنی ئەوەیان بە كۆچپێكردنی بە زۆر و تاوانی جەنگ ناساندووە.
لە تۆڕە کۆمەڵایەتیەکان شەیری بکە