02/10/2025
220 جار خوێنراوەتەوە
سوپای زایۆنی دەست بەسەر كەشتیەكانی كەشتیگەلی خۆڕاگریدا دەگرێت
پەیام
سوپای زایۆنی هەڵیكوتایە سەر كەشتیگەلی خۆڕاگری و دەستی
بەسەر زیاتر لە 40 كەشیتیدا گرت، یەكێك لە
كەشتیەكانیش دەڵێت توانیویەتی ئابڵوقەی سەر غەززە بشكێێت.
دەزگای پەخشی ئیسڕائیل ڕایگەیاند سوپا هەڵیكوتاوەتە سەر
كەشتیگەلی خۆڕاگری تا ئێستا 40 كەشتی دەستبەسەر كراون و سەدان كەسیش دەستگیر كراوە،
كە هەوڵیانداوە بگەن بە غەززە، سوپای زایۆنی ڕاشیگەیاندووە كە دەستبەسەرداگرتنی كەشتییەكان
بەردەوام دەبێت.
وەزارەتی دەرەوەی قەوارەی زایۆنی ڕایگەیاند ئەو كەشیانەی
دەستیان بەسەردا گیراوە بەرەو كەناراوەكانی ئیسڕائیل بەڕێوەن و بڕیارە سەرنشینەكانیان
سنورداشی ئەورووپا بكرێنەوە.
سەرەڕای دەستبەسەركردنی زۆرینەی زۆری كەشتیەكان، كەشتی
"میكینۆ" ڕایگەیاند توانیویانە ئابوڵوقەی سەر كەرتەكە بشكێنێت و بگاتە
سنوورە ئاویەكانی كەرتی غەززە.
هەڵكوتانە سەر كەشتیەكان ناڕەزایەتی كۆمەڵگای نێودەوڵەتی
و وڵاتانی لێكەوتەوە زۆرێك لە وڵاتان بە توندی ئیدانەی گرتنەی كەشتیەكان و سەرنشینەكانیان
گرد و بە پێشێلكاری ناویان بردن، هاوكات كۆڵۆمبیا بڕیاریدا باڵیۆزی قەوارەی زایۆنی
لە وڵاتەكەی دەر بكات، هەروەها لە ئیتاڵیا و ژمارەیەك وڵاتی دیكەی جیهان خۆپیشاندان
دژی هەڵكوتانە سەر كەشتیگەلی خۆڕاگری بەڕێوە
چوو.
لە تۆڕە کۆمەڵایەتیەکان شەیری بکە