1 کاتژمێر پێش ئێستا
81 جار خوێنراوەتەوە
حووسییهكان: هێرشهكانمان بۆسهر سعودیه زیاتر دهكهین
پهیام
حووسییەکانی یەمەن کە لە لایەن ئێرانەوە پشتیوانی دەکرێن ڕایانگەیاند کە، بە ڕێگەی مووشەک و دڕۆنەوە دامەزراوەکانی سەر بە کۆمپانیای نەوتی سعوودیە بە ناوی ئارامکۆ لە شاری یەنبو و ناوچەی جازان، کردووەتە ئامانج.
وتەبێژی سەربازیی حووسییەکان یەحیا سەریع لە هەژماری پلاتفۆڕمی کۆمەڵایەتی X کە ناوەندەکەی لە ئەمریکایە ڕایگەیاند، لە شاری یەنبو و ناوچەی جازان لە سعوودیە، دامەزراوە گرنگەکانی نەوتی سەر بە کۆمپانیای ئارامکۆ'ی سعوودیە کراوەتە ئامانج.
یەحیا سەریع ئاماژەی بەوە دا کە دامەزراوەکان لە هەردوو ناوچەکەدا بە دەیان مووشەکی بالیستیک و دڕۆن کراونەتەوە ئامانج و جەختی لەوەش کردووەتەوە کە ئامانجەکانیان بە سەرکەوتوویی پێکاوە.
وتەبێژی سەربازیی حووسییەکانی دووپاتیشی کردەوە کە گەمارۆکانی دەریایی بۆ سەر سعوودیە بەردەوام دەبێت و ڕاشیگەیاند کە لە کاتژمێر و ڕۆژانی داهاتوودا هێرش و پەلامارە سەربازییەکانیان ئەوەندەی دیکە زیاتر دەبێت.
تا ئێستا لەبارەی ئەم هێرشەکانەوە لە لایەن سعوودیەوە هیچ زانیارییەک ئاشکرا نەکراوە.
لە تۆڕە کۆمەڵایەتیەکان شەیری بکە