03/10/2025
365 جار خوێنراوەتەوە
كۆمسیۆن: زۆرینەی ئامادەكارییەكان بۆ ڕۆژی هەڵبژاردن كۆتاییهاتووە
پەیام
كۆمسیۆنی هەڵبژاردنەكانی عێراق جەخت لە تەواوبوونی زۆرینەی ئامادەكارییەكانی بۆ ڕۆژی هەڵبژاردن دەكاتەوە و چاودێری چڕی بانگەشە دەكەین.
حەسەن هادی زایر ئەندامی تیمی میدیایی كۆمسیۆنی باڵای سەربەخۆی هەڵبژاردنەكان ڕایگەیاندووە، كۆمسیۆنی باڵا چاودێری چڕی هەیە و لیژنەی گەورەی بۆ بەدواداواچوونی قەبارە و سەرچاوەكانی پارەداركردنی بانگەشەی كاندیدان پێكهێناوە.
ئاماژەی بەوەش كرد سیستمی بانگەشەكانی هەڵبژاردنی 2025 پرۆسەكە دیاری دەكات و سنوور و مەرجی بۆ دادەنێت و لە 29 مادەدا پێك دێت.
حەسەن هادی زایر وتیشی كۆمسیۆن لە هەركاتێك زیاتر لە ئەنجامدانی پرۆسەی هەلّبژادن نزیكگ بووەتەوە و بە نزیكەیی تەواوی ئامادەكارییەكان بەكۆتا گەیشتوون و چەند ڕۆژێك زیاتر ناخایەنێت.
سەبارەت بە ڕاهێنانی ستافی رۆژی دەنگدانیش ئەندامەكەی كۆمسیۆن وتی، دوای كۆتاهاتنی سیستمی هەڕەمی ڕاهێنانی كارمەندان، كە پێكدێن لە كارمەندان و قوتابیان و دەرچووان و ڕاكێشانی ناوەكان لە تیروپشكدا لەبەردەم ڕاگەیاندنەكاندا، پرۆسەی ئامادەكاریەكان بە كۆتا دەگات كە ژمارەیان 235 هەزار كەس دەبێت و بەپێی ئاستەكانیان مووچەیان پێدەدرێت.
لە تۆڕە کۆمەڵایەتیەکان شەیری بکە