7 کاتژمێر پێش ئێستا
81 جار خوێنراوەتەوە
لایەنى فەڵەستینى: دڵنیاییمان پێدراوە كە جەنگ دەست پێ ناكاتەوە
پەیام
سەرۆكی بزووتنەوەی حەماس لە غەززە جەخت دەكاتەوە، گەیشتوونەتە ڕێككەوتن و هێزەكانی داگیركەریش لە غەززە دەكشێنەوە.
خەلیل حەییە، سەرۆكی بزووتنەوەی بەرەنگاریی ئیسلامی "حەماس" لە غەززە و سەرۆكی شاندی دانوستانكاری بزووتنەوەكە لە پەیامێكی ڤیدیۆییدا ڕایگەیاند: لایەنی فەڵەستینی گرەنتی و دڵنیایی لە وڵاتانی نێوەندگیر و ئیدارەی ئەمریكا وەرگرتووە و هەمووان جەختیان كردووەتەوە كە جەنگ بە تەواوەتی كۆتایی هاتووە.
خەلیل حەییە دەڵێت: بەپێی ڕێككەوتنەكە 250 دیلی فەڵەستینی لەوانەی حوكمی هەتاهەتاییان بەسەردا سەپێنراوە ئازاد دەكرێن هەروەها 1700 دیلی دیكەی خەڵكی غەززە ئازاد دەكرێن. ڕێككەوتنەكەش گەیشتنی هاوكارییە مرۆییەكان و كردنەوەی دەروازەی مرۆیی ڕەفەح لەخۆ دەگرێت.
سەرۆكی حەماس ڕاشیگەیاندووە: بە بەرپرسیارێتییەكی گەورەوە مامەڵەمان لەگەڵ پلانی سەرۆكی ئەمریكا كرد و وەڵامێكمان دایەوە كە بەرژەوەندیی گەلەكەمان لەبەرچاو بگرێت و خوێنڕشتن ڕابگرێت.
لە تۆڕە کۆمەڵایەتیەکان شەیری بکە