4 کاتژمێر پێش ئێستا
169 جار خوێنراوەتەوە
كۆبوونه‌وه چاوه‌ڕوانكراوه‌كه‌ی پووتین و تڕه‌مپ هه‌ڵوه‌شایه‌وه
په‌یام
سەرۆکی ئەمریکا، دۆناڵد ترەمپ سەبارەت بەو کۆبوونەوەیەی بڕیار بوو لە بوداپێست لەگەڵ سەرۆکی ڕووسیا، ڤلادیمێر پوتین ئەنجامی بدات، بەڵام ھەڵوەشایەوە ڕایگەیاند: "ئەو کۆبوونەوەیەی لەگەڵ سەرۆک پوتین ھەمانبوو ھەڵموەشاندەوە، چونکە بە ڕاستم نەزانی".
ترەمپ ئاماژەی بەوە کرد بەھۆی ڕێکنەکەوتنی ڕووسیا و ئۆکرانیا، تووشی بێئومێدییەکی زۆر بووە و، باسی لەوە کرد کە بە سزای ئابووریی پەیامی توندتر بە مۆسکۆ دەدەن.
سەبارەت بە دوو کۆمپانیا گەورە نەوتییەکەی ڕووسیا ڕۆسنەفت و لوک ئۆیل کە بخرێنە لیستی سزاکانەوە، سەرۆکی ئەمریکا ترەمپ وتی: "ھەستم بەوە کرد کە ئیدی کاتییەتی، ماوەیەکی زۆر چاوەڕێم کرد. ئەمانە سزای زۆر قورسن".
ترەمپ جەختی لەسەر ئەوە کردەوە ئەو سزایانەی بەسەر کۆمپانیا نەوتییەکانی ڕووسیادا سەپێندراون زۆر گرنگن و، وتی: "ئەمانە زۆر سزای گەورەن بەرامبەر بە دوو کۆمپانیا نەوتییەکەی ئەوان جێبەجێ دەکرێن و ھیوادارین ئەمە بۆ ماوەیەکی زۆر بەردەوام نەبێت. ھیوادارین جەنگەکە کۆتایی بێت".
لە تۆڕە کۆمەڵایەتیەکان شەیری بکە