3 کاتژمێر پێش ئێستا
340 جار خوێنراوەتەوە
باڵیۆزخانەی سویسرا لە بەغدا دەستی بە پێدانی ڤیزا بە عێراقییەكان کردەوە
پەیام
باڵیۆزخانەی سویسرا لە بەغدا دوای ساڵێك لە كردنەوەی دەستی بە پێدانی ڤیزا بە عێراقییەكان كردەوە.
لە كۆبوونەوەیەكدا لەگەڵ هاوتا عێراقییەكەی لە بەغدا؛ ئیگنازیۆ كاسیس، وەزیری دەرەوەی سویسرا، ستایشی هەوڵی حكومەتی عێراقی كرد بۆ بەرزكردنەوەی ئاستی ژینگەی بازرگانی و بەهێزكردنی شەفافیەتی یاسایی و هەوڵدان بۆ باشتركردنی گوزەرانی عێراقییەكان.
بەرپرسەكەی سویسرا، رایگەیاند، لە باڵیۆزخانەكەیان دەست دەكەنەوە بە پێدانی ڤیزای بازرگانی و گەشتیاری بە عێراقییەكان، بەبێ ئەوەی پێویست بكات بچنە وڵاتی ئوردن.
هاوكات وەزارەتی دەرەوەی عێراق رایگەیاندووە، لە كۆبوونەوەكەدا جگە لە باسكردنی پرسی ڤیزا، هەروەها باس لە پرسی كۆچ، وزەی نوێبوەوە، بەڕێوەبردنی ئاو كراوە.
دوای 33 ساڵ لە داخستنی باڵیۆزخانەكەی، مانگی نۆی ساڵی پار سویسرا باڵیۆزخانەكەی لە بەغدا كردەوە، بەبێ ئەوەی ڤیزا پێشكەش بكات، بۆ بەدەستهێنانی ڤیزای ئەو وڵاتە؛ عێراقییەكان پێویست بوو بچنە وڵاتی ئوردن و لەوێ داواكاری پێشكەش بكەن.
لە تۆڕە کۆمەڵایەتیەکان شەیری بکە