لامین یەماڵ بە هۆکاری بردنەوەکەی ڕیاڵ مەدرید دانراوە

پەیام سپۆڕت - مەڕوان تاڵیب

یانەی بەرشەلۆنە تەواو لە ئەستێرەی لاوی تیپەکەیان لامین یەماڵ تووڕەن و پێیانوایە هۆکاری بردنەوەکەی ڕیاڵ مەدرید بووە.

 ڕۆژنامەی سپۆڕت"ی نزیک لە یانە کەتەلۆنییەکە ئاشکرای کردووە، دوای ئەوەی پێش کلاسیکۆ لامین گاڵتەی بە ڕیاڵ کردبوو و تۆمەتباری کردبوون بە گلەیکردن و هاوکاریکردنیان لەلایەن ناوبژیوانانەوە، لە ئێستادا بەرپرسانی بەرشەلۆنە پێیانوایە ئەو قسانەی یەماڵ وایکردووە یاریزانانی ڕیاڵ مەدرید ئاستێکی بەرز پێشکەش بکەن و تامەزۆری بردنەوەیانی زیاتر کردووە و خواستی یاریزانەکانی مەدریدی بۆ تۆڵەسەندنەوە زیاد کردووە.

سەرچاوەکە ئەوەش دەخاتەڕوو، چەند یاریزانێکی قەڵای سپی داوایان لە چابی ئالۆنسۆ کردووە تاکو لە باڵی چەپ یارییان پێبکات بۆ ئەوەی لامین یەماڵ تەواو بێزار بکەن و بەوردی چاودێری جوڵەکانی بکەن.

لە کۆتایدا سپۆڕت ڕوونی دەکاتەوە، کارگێڕی بەرشەلۆنە تەواو لە لامین یەماڵ تووڕەن و بڕیاریانداوە لەمەودوا بە وردی چاودێری هەڵسوکەوتەکانی بکەن، سەرەڕای ئەوەی متمانەیان پێی هەبووە وەک سەرکردەی داهاتووی پڕۆژەی یانەکە.