پێش 1 هەفتە
605 جار خوێنراوەتەوە
دیکۆ گرێبەستێک لە میلان تێک دەدات
پەیام سپۆڕت - مەڕوان تاڵیب
دیکۆی بەڕێوەبەری وەرزشی بەرشەلۆنە لە هەوڵی ئەنجامدانی
گرێبەستێکی چاوەڕواننەکراودایە بۆ بەهێزکردنی هێڵی بەرگری و چاوی بڕیوەتە گۆنزالۆ
ئیناسیۆی کاپتنی یانەی سپۆرتینگ لیشبۆنە، لە کاتێکدا هەموو سەرنجەکان لەسەر کڕینی
هێرشبەرێکی نوێن.
بەپێی زانیارییەکانی ڕۆژنامەی "سپۆرت" دانیشتنی
کتوپڕی ئیناسیۆی تەمەن 24 ساڵ لەسەر کورسی یەدەگ لە یاری ڕابردووی یانەکەی بەرانبەر
ئەلفێرکا، وەک ئاماژەیەک بۆ جێهێشتنی یانەکە لێکدراوەتەوە، هەرچەندە پێشتر دەنگۆی
پەیوەندیکردنی بە یانەی میلانەوە هەبوو، بەڵام ئێستا بەرشەلۆنە وەک کڕیارێکی سەرەکی
دەرکەوتووە و تەنانەت هەندێک سەرچاوەی پورتوگالی دەڵێن ڕێککەوتنەکە نزیکە و گرێبەستی
ئەم بەرگریکارە مەرجی هەڵوەشاندنەوەی ٦٠ ملیۆن یۆرۆیی تێدایە، کە بەرشە لە توانایدا
هەیە دابینی بکات.
دیکۆ هەفتەی ڕابردوو لە شاری لیشبۆنە بینراوە، ئەمەش
گومانی ئەوەی دروست کردووە کە خەریکی کۆتاییهێنانە بەم گرێبەستە، چونکە بلاوگرانا
دەیەوێت بەرگریکارێکی دیکەی "چەپە" (کە بە قاچی چەپ یاری بکات) بۆ پێکهاتەکەی
زیاد بکات، چونکە داهاتووی ئەلیخاندرۆ بالدی هێشتا نادیارە.
لە تۆڕە کۆمەڵایەتیەکان شەیری بکە