گفتوگۆیەکی کورت لە نێوان سیمیۆنی و ئالڤارێز ئەنجام دراوە

پەیام سپۆڕت - مەڕوان تاڵیب

جولیان ئالڤارێزی هێرشبەری یانەی ئەتلەتیکۆ مەدرید، پێش دەستپێکردنی مەشقەکانی ئەمڕۆ ڕاستەوخۆ لەگەڵ ڕاهێنەرەکەی، دیێگۆ سیمۆنی کۆبووەوە.

 بەپێی زانیارییەکانی ڕۆژنامەی "مۆندۆ دیپۆرتیڤۆ"، سیمۆنی و ئالڤارێز زوو گەیشتنە یاریگای مەشقەکان و ڕاهێنەرەکە پێشوازی لەو یاریزانانە کرد کە تازە لە پشوو گەڕابوونەوە، لەوانەش ئالڤارێز، ئالێکس باینا و مارکۆس یۆرێنتی و لەو کاتەدا گفتوگۆیەکی ڕاستەوخۆ لە نێوان سیمۆنی و ئالڤارێزدا ئەنجامدرا.

سەرچاوە کەتەلۆنییەکان ئاماژە بەوە دەکەن کە گفتوگۆکە دۆستانە بووە، بەڵام سیمۆنی بە ڕوونی بە یاریزانەکەی ڕاگەیاندووە کە بڕیاری کۆتایی لە دەستی کارگێڕی یانەکەدایە و ئەو وەک ڕاهێنەرێک دەسەڵاتی بەسەر کاروباری کارگێڕیدا نییە و تەنیا دەتوانێت لە ڕووی وەرزشییەوە یارمەتی بدات. هاوکات فێرناندۆ هیدالگۆ و سێرخیۆ دیاز، بریکارەکانی ئالڤارێز لە مەدرید ئامادەن بۆ دۆزینەوەی چارەسەرێک و ڕێگەخۆشکردن بۆ گواستنەوەی بۆ بەرشەلۆنە، سەرەڕای ئەوەی یانە مەدریدییەکە بە تەواوی گفتوگۆکردن ڕەت دەکاتەوە.