2 کاتژمێر پێش ئێستا
195 جار خوێنراوەتەوە
فڕۆكەیەكی هیندی لە نمایشێكدا لە دوبەی تێکشکاو فڕۆکەوانەکەى گیانی لەدەستدا
پەیام
نیوەڕۆی ئەمڕۆ فڕۆكەیەكی هیندی لە كاتی نمایشێكی فڕۆكەوانی كەوتە خوارەوە و فڕۆكەوانەكەشی گیانی لەدەست دا، وەزارەتی بەرگری هیندستانیش هەواڵەكەی پشتڕاست كردەوە.
میدیاكانی وڵاتی ئیمارات بڵاویان كردەوە، لەمیانەی نمایشێكی فڕۆكەوانیدا لە (چالاكی دوبەی ئێرشۆو) لە شاری دوبەی ئیمارات، فڕۆكەیەكی وڵاتی هیندستان كەوتوەتە خوارەوە و بەو هۆیەشەوە فڕۆكەوانەكەی گیانی لەدەست داوە.
بەپێی ئەوەی بڵاو كراوەتەوە "فڕۆكەكە لە جۆری "هال تاجاس" بووە و سەربە وەزارەتی بەرگریی هیندستان بووە، لەدوای كەوتنە خوارەوەشی تەواوی ئەو خەڵكەی بۆ بینینی نمایشەكە كۆ بووبوونەوە دوور خراونەتەوە و نمایشەكە كۆتایی پێ هێنراوە.
شایەتحاڵانی ڕووداوەكە ئەوەیان وتووە، كە دووكەڵی ڕەش ئاسمانی شوێنەكەی داپۆشیوە و دەنگی ئۆتۆمبێلەكانی فریاكەوتن و ئاگركوژێنەوە لە ناوچەكە بیستراوە، بەڵام بەخێرایی لە شوێنەكە دوورخراونەتەوە.
وەزارەتی بەرگری هیندستان هەواڵەكەی پشتڕاست كردوەتەوە و ڕایگەیاندووە: فڕۆكەكە سەر بە هێزە ئاسمانییەكانی وەزارەتی بەرگری بووە و فڕۆكەوانەكەش گیانی لەدەست داوە.
لە تۆڕە کۆمەڵایەتیەکان شەیری بکە