2 کاتژمێر پێش ئێستا
68 جار خوێنراوەتەوە
نێردەی تایبەتی ئەمریكا: دەستوەردان لە پێكهێنانی حكومەتی عێراق قبوڵ ناكەین
پەیام
نێردەی تایبەتی سەرۆكی ئەمریكا نزیكبوونەوەی هاتنی بۆ عێراق و چاودێریی پڕۆسەی پێكهێنانی حكومەتی نوێی ڕاگەیاند.
لە نووسینێكیدا لە تۆڕی كۆمەڵایەتی ئێكس، مارك ساڤایا نێردەی تایبەتی دۆناڵد ترەمپ سەرۆكی ویلایەتە یەكگرتووەكانی ئەمریكا ڕایگەیاند: بە خۆشحاڵییەوە چاوەڕێی سەردانی عێراق بەمنزیكانە و كۆبوونەوە لەگەڵ بە سەركردەی هێزە سیاسییەكان دەكەم.
ساڤایا ڕایشیگەیاند: عێراق لە ماوەی سێ ساڵی ڕابردوو هەنگاوی گرنگی ناوە و ئومێدەواریشین ئەو بەرەوپێشچوونە لە مانگەكانی داهاتووشدا بەردەوام بێت.
لە بەشێكی دیكەی نووسینەكەیدا، نێردەی سەرۆكی ئەمریكا ڕایگەیاند: بە گرنگییەوە چاودێریی پڕۆسەی پێكهێنانی كابینەی نوێی حكومەتی عێراق دەكەین، با بۆ هەمووان ئاشكرا بێت كە ئەمریكا دەستوەردانی دەرەكی لە پێكهێنانی حكومەتی نوێی عێراق قبوڵ ناكات و ڕێگەی پێ نادات.
تیوتەكەی مارك ساڤایا نێردەی ئەمریكا دوای تەنها ڕۆژێك دێت لە بڵاوبوونەوەی دەنگۆی كۆتاییهێنان بە ئەركەكەی لە عێراق لەلایەن سەرۆكی ئەمریكاوە و تائێستاش هیچ پشتڕاستكردنەوە، یان ڕەتكردنەوەیەكی فەڕمی لەسەر نەدراوە، لەكاتێكدا 19ی مانگی ڕابردوو وەك هاووڵاتییەكی بەڕەچەڵەك عێراق بۆ ئەو پۆستە دەستنیشان كرا.
لە تۆڕە کۆمەڵایەتیەکان شەیری بکە