2 کاتژمێر پێش ئێستا
64 جار خوێنراوەتەوە
پووتین: پێشنیازەكەی ترەمپ بنەمایەكە بۆ چارەسەری ئاشتییانەی جەنگی ئۆكرانیا
پەیام
سەرۆكی ڕووسیا پێشنیازەكەی سەرۆكی ئەمریكا بۆ كۆتاییهێنان بە جەنگی وڵاتەكەی و ئۆكرانیا بە بنەمایەك بۆ چارەسەری ئاشتییانەی دۆسیەی ئۆكرانیا ناو دەهێنێت.
لە ڕاگەیەنراوێكدا، كۆشكی سەرۆكایەتی ڕووسیا (كریملن) بڵاویكردەوە: فلادیمێر پووتین كۆبوونەوەیەكی لەگەڵ ئەندامانی ئەنجوومەنی ئاسایشی وڵاتەكەی ئەنجام داوە و تاوتوێی پلانی دۆناڵد ترەمپ سەرۆكی ئەمریكای بۆ كۆتاییهێنان بە جەنگی ئۆكرانیا كردووە و ڕایگەیاندووە: پێشنیازێكی 28 خاڵی بۆ كۆتاییهێنان بە جەنگەكە لە ئەمریكاوە پێ گەیشتووە كە دەتوانێت ببێتە بنەمایەك بۆ چارەسەری كۆتایی ئاشتییانە.
لە ڕاگەیەرانراوەكەدا هاتووە: پووتین وتووێتی بەر لە لوتكەی ئالاسكا لە نێوەڕاستی مانگی ئابدا لەگەڵ ترەمپ تاوتوێی ئەو بابەتە كراوە و داوای هەندێك سازش لە خواستەكانی ڕووسیا كراوە. وتیشی: لە لوتكەكەدا ڕەزامەندییمان لەسەر پلانە پێشنیازكراوەكە و ئامادەییمان بۆ نیشاندانی نەرمی سەرەڕای زەحمەتبوونیشی، داوە.
سەرۆكی ڕووسیا ڕایشیگەیاندووە: سەرەڕای دانوستانەكان وەستانێك لەبارەی پلانەكەوە لەلایەنی ئەمریكی دەبینین، دەزانین هۆكارەكەی ڕەتكردنەوەی ئۆكرانیایە بۆ پلانەكە و داوای كردووە، پلانەكە پێداچوونەوەی پێدا بكرێتەوە، لە ئەنجامدا ئەم 28 خاڵەی لێ بەرهەم هاتووە.
لە تۆڕە کۆمەڵایەتیەکان شەیری بکە