2 کاتژمێر پێش ئێستا
79 جار خوێنراوەتەوە
لە دوای ئاگربەستەوە ڕۆژانە دوو منداڵى غـ.ەززەیی بەهۆی پێشێلكارییەكانەوە شەهیدبوون
پەیام
لە دوای ئاگربەستەوە بە تێكڕا ڕۆژانە دوو منداڵ بەهۆی پێشێلكارییەكانی سوپای زایۆنییەوە لە كەرتی غەززەی فەڵەستین شەهید بوون.
لە میانی كۆنگرەیەكی ڕۆژنامەوانیدا، ڕیكاردۆ پێرێس، وتەبێژی ڕێكخراوی نەتەوە یەكگرتووەكان بۆ منداڵان (یونیسێف) ڕاگەیاند: ڕۆژی پێنجشەممە منداڵێك لە بۆردومانێكی سوپای زایۆنی لە خانیونس لە باشووری كەرتی غەززە كوژراوە و ڕۆژی چوارشەممەیش حەوت منداڵ لە شاری غەززە لە باكووری كەرتەكە كوژراون.
ئەو وتیشی: بە كۆی گشتییش لە دوای ئاگربەستەوە 67 منداڵ كوژراون و دەیانی دیكەیش بریندار بوون، ئەوەیش واتە بە گشتیی ڕۆژانە دوو منداڵ لە كەرتی غەززە بەهۆی هێرشەكانی سوپای ئیسڕائیلییەوە دەكوژرێن.
ڕیكاردۆ پێرێس لەو كۆنگرەیە هەفتانەدا، كە لە نووسینگەی نەتەوە یەكگرتووەكان لە ژنێف بەڕێوە چوو، ڕایشیگەیاند: ئەم ژمارانە تەنیا ئامارێك نین، بەڵكوو هەر منداڵێك، خێزانێك و خەونێكیان هەبوو.
ناوبراو جەختیشی لەوە كردەوە، كە دۆخێكی سەخت بۆ منداڵان دروست بووە و هیچ شوێنێكی ئەمنیان نییە و ناكرێت جیهان لە ئاسایكردنەوەی چەرمەسەرییەكانیان بەردەوام بێت.
لە تۆڕە کۆمەڵایەتیەکان شەیری بکە