ئەمریكا و ئۆكرانیا لەسەر پلانی ئاگربەست ڕێكەوتن و وەفدێكیش دەچێتە مۆسكۆ

پەیام 

سەرۆكی ئەمریكا رایگەیاندوە، وەفدی ئەمریكا و ئۆكرانیا لەبارەی پلانی ئاگربەستەوە گەیشتوون بە ڕێكەوتن، میدیای ئەمریكیش بڵاوی كردەوە، شاندێكی ئەمریكا ئەمرۆ دەچێتە مۆسكۆ.

دۆناڵد ترەمپ، سەرۆكی ئەمریكا، ڕایگەیاند، گفتوگۆی باشیان لەگەڵ ئۆكرانیا لەبارەی پلانی ئاشتی ئەنجامداوە و ئاماژەی بەوەشدا، كە دەرفەتی گەورە لە ئارادایە بۆ گەیشتن بە ڕێككەوتن، لەگەڵ ئەوەشدا میدیای ئەمریكی رایگەیاندووە، ئەمڕۆ ستیف ویتكۆف و جارید كۆشنەر، وەك شاندی ئەمریكا دەچنە ڕووسیا.
دۆناڵد ترەمپ دەڵێت، شاندەكانی ئەمریكا و ئۆكرانیا لە فلۆریدا، گفتوگۆی باشیان لە لەبارەی پلانی ئاشتی ئەنجامداوە و ئەمڕۆش شاندی ئەمریكی دەچێتە ڕووسیا و لەگەڵ بەرپرسانی ئەو وڵاتە پلانی ئاشتی تاوتوێ دەكەن.

ڕاشیگەیاند، لەئێستادا، دەرفەتی گەورە لە ئارادایە بۆ گەیشتن بە ڕێككەوتنی ئاشتی لە ئۆكرانیا و ئاماژەی بەوەشدا، كە ئەگەری هەیە، ڕووسیا ئامادەیی خۆی نیشان بدات سەبارەت بە كۆتاییهێنان بە جەنگ.

سەرۆكی ئەمریكا وتیشی، "ڕووسیا تا كۆتایی جەنگ دوا مۆڵەتی هەیە، بەڵام هیوادارم  كۆتایی بەو جەنگە بهێندرێت".