پەیمانگایەکى ئەمریکى: نەوتی هەرێم لەژێر ناوی كەركووك ڕەوانەی بازاڕەكان دەكرێت

پەیام

دوابەدوای گەیشتنی یەكەم باری نەوتی خاوی هەرێمی كوردستان بە ئەمریكا، ڕاگەیانرا كە لە داهاتوویەكی نزیكدا كەشتی دیكەی نەوتی هەرێمی كوردستانیش لە ئەمریكا لەنگەر دەگرێت.

پەیمانگەی واشنتۆن بۆ سیاسەتی ڕۆژهەڵاتی نزیك لە ڕاپۆرتێكیدا نووسیویەتی: ئێستا نەوتی كێڵگەكانی هەرێمی كوردستان لەژێر ناوی "نەوتی كەركووك" ڕەوانەی بازاڕەكانی جیهان دەكرێت، لەوانەشە "كەركووك" ناوی نوێی تەواوی ئەو نەوتە بێت كە لە باكووری عێراقەوە هەناردە دەكرێت، بە بەرهەمی كێڵگەكانی هەرێمی كوردستانیشەوە كە پێشتر بە ناوی "نەوتی خاوی كوردی" كەی بی تی ناسرابوو.