2 کاتژمێر پێش ئێستا
113 جار خوێنراوەتەوە
ڕووسیا.. بەرپرسێكی باڵای سەربازی لە تەقینەوەیەكدا كوژرا
پەیام
دەسەڵاتدارانی ڕووسیا بڵاویان كردەوە، لە ئاكامی تەقینەوەی ئۆتۆمبێلێدا لە ناوەڕاستی مۆسكۆ بەرپرسێكی باڵای وەزارەتی بەرگری كوژراوە.
دەستەی لێكۆڵینەوەی فیدڕاڵی ڕووسیا بڵاوی كردوەتەوە، ئۆتۆمبێلێك لە ناوەڕاستی مۆسكۆ تەقیوەتەوە و لە ئاكامدا جەنەڕاڵ فانیل سارفارۆڤ، فەرماندەی بەڕێوەبەرایەتی راهێنانەكان لە فەرماندەیی باڵای هێزەكانی ڕووسیا كوژراوە.
بەپێی لێكۆڵینەوە سەرەتاییەكان بۆمبێكی چێنراو لكێنراوە بە ئۆتۆمبێلی بەرپرسە باڵاكەی ڕووسیا و بەیانی ئەمڕۆ لە نزیك ماڵی خۆیدا تەقیوەتەوە و لە ئاكامدا بەرپرسە ڕووسییەكە كوژراوە.
میدیاكانی ڕووسیا ئەوەیان بڵاو كردوەتەوە، هەواڵگری ئۆكرانیا لە كردەكەدا تۆمەتبار كراون و لیژنەیەكی لێكۆڵینەوەش لەسەر ڕووداوەكە پێكهێنراوە.
جەنەڕاڵ فانیل سارفاروف، لە ساڵی 2016ـەوە بەرپرسی بەڕێوەبەرایەتی راهێنانی كردە سەربازییەكان بووە لە وەزارەتی بەرگری ڕووسیا و لە جەنگی ئۆكرانیادا ڕۆڵێكی دیاری هەبووە.
لە تۆڕە کۆمەڵایەتیەکان شەیری بکە