2 کاتژمێر پێش ئێستا
70 جار خوێنراوەتەوە
ئەردەن ژمارەیەك قاچاخچیی چەك و ماددەی هۆشبەری لە سووریا بۆردومان كرد
پەیام
سوپای ئەردەن زنجیرەیەك بۆردومانی لە سەر پارێزگای سوەیدای باشووری سووریا ئەنجام دا و ڕایگەیاند، چەند پێگەیەكی بەقاچاخبردنی ماددە هۆشبەرەكانی بە ئامانج گرتووە.
بەپێی سەرچاوەكانی هەواڵ، دوێنێ شەو هێزی ئاسمانیی ئەردەن زنجیرەیەك بۆردومانی بۆ سەر كێڵگە و گوندەكانی باشووری رۆژئاوای پارێزگای سوەیدائـ لە باشووری سووریا ئەنجام داوە، ئەو ناوچانەش ناسراون بە چالاكیی تۆڕەكانی بەقاچاخبردنی ماددەی هۆشبەر و چەك بە ئاڕاستەی سنوورەكانی ئەردەن.
سەرچاوەكان باسیان لەوە كردووە، پێش بۆردومانەكان فڕۆكەی پشكین و چاودێری ناوچەكەی پشكنیوە، دواتریش چەند پێگەیەكی كۆگاكردنی ماددە هۆشبەرەكان و ئۆكاران، كە لەلایەن مافیاكانی قاچاخیی ماددەی هۆشبەرەوە بەكاردەهێنرێن كراونەتە ئامانج.
جێی باسە پێشتریش سوپای ئەردەن ڕایگەیاندووە،ژمارەیەك بازرگانی چەك و ماددە هۆشبەرەكانی لەسەر سنوورەكانی لەگەڵ سووریا بەئامانج گرتووەو كارگە و پێگەكانی لەناو بردوون. جەختیشی كردووەتەوە: لە ڕاوەدونان و بەئامانجگرتنی بازرگان و قاچاخچیان بەردەوام دەبێت.
لە تۆڕە کۆمەڵایەتیەکان شەیری بکە