ئەنجوومەنی پارێزگای بەسڕە بۆ دەنگدان لەسەر بەهەرێمبوونی پارێزگاكەیان، كۆدەبێتەوە

پەیام 

بۆ دەنگدان لەسەر هەرێمبوونی شارەكەیان، ئەنجوومەنی پارێزگای بەسڕە چەند رۆژێكی دیكە كۆ دەبێتەوە.

بەپێی ئەو بەڵگانەی ئاژانسە هەواڵییەكان دەستیان كەوتووە، ئەنجوومەنی پارێزگای بەسڕە ڕۆژی دووشەممە بۆ دەنگدان و دەستپێكردنی ڕێكارەكانی گۆڕانی پارێزگاكەیان بۆ هەرێمێكی ئیداری كۆبوونەوەیەك ئەنجام دەدەن و ئەندامانی ئەنجوومەنەكەیش هەنگاوەكە لە چوارچیوەی یاسا و دەستووی عێراقدا ناو دەهێنن و دەڵێن ئامانجیان گەڕاندنەوەی مافە ئیداری و ئابوورییەكانە بۆ خەڵكی پارێزگاكە.

بەپێی بەڵگەكان ئەنجوومەنەكە كۆدەنگیی زۆرینەی ئەندامان بەخۆوە دەبینێت بۆ دەنگدان لەسەر پڕۆژەی بە هەرێمبوونی بەسڕە، ئاماژە بەوەش كراوە "ئەم هەنگاوە جیابوونەوە لە عێراق نییە، بەڵكو گۆڕانكارییەكی ئیدارییە و بۆ گەڕاندنەەی دەسەڵاتی فراوانە و بە فەرمی بڕیارەكەیش ڕەوانەی سەرۆكایەتی ئەنجوومەنی نوێنەران دەكرێت بۆ گرتنبەری ڕێكاری پێویست و دەستووری".
هەنگاوەكەی ئەنجوومەنی پارێزگاكە لە چوارچێوەی ڕێككەوتنێكی ناوخۆیی و پشتویانی هێزە سیاسییە دیارەكانی بەسڕە دێت و چالاكانی شارەكە بە كارابوونی دەستووری عێراق و فراوانكردنی دەسەڵاتەكانی ئیدارەی ناوخۆی ناوی دەهێنن و پاڵپشتی جەماوەری لە شارەكە بەدوادا هاتووە كە گرنگترین دەروازەی ئاوی و سەرچاوەی نەوتی عێراقە.