4 کاتژمێر پێش ئێستا
106 جار خوێنراوەتەوە
میلان بە ناچاری دەچێتە ژێر باری مایک ماینانەوە
پەیام سپۆڕت - مەڕوان تاڵیب
یانەی ئەیسی میلان هەنگاوەکانی زیاتر چڕدەکاتەوە بۆ
پاراستنی مایک ماینانی گۆڵپارێزی فەڕەنسی ئەمەش لە ڕێگەی پێشکەشکردنی ئۆفەرێکی
نوێوە کە مەرجەکانی باشتر کردووە.
ڕۆژنامەی لاگازێتا دیلۆسپۆڕت" بڵاوی کردووەتەوە،
بەرپرسانی یانەکەی شاری میلانۆ هەوڵ دەدەن ماینان بە مانەوە ڕازی بکەن بۆ ئەو مەبەستە
ئامادەن مووچەی ساڵانەی حەوت ملیۆن یۆرۆی پێ بدەن بەوەش هاوشانی ڕەفائیل لیاو
دەبێتە خاوەن زۆرترین مووچە لە نێو یانەکەدا.
سەرچاوەکە ئەوەش ڕوون دەکاتەوە، گرێبەستە نوێیەکەی
گۆڵپارێزەکە تاکو هاوینی 2029 دەبێت، لەگەڵ بژاردەی وەرزی دواتریش، لە ئێستادا
هەردوولا نزیکن لە ڕێککەوتن، چونکە ماینان داوای حەوت ملیۆن و 500 هەزار یۆرۆی
کردووە و تەنیا نیو ملیۆن یۆرۆ جیاوازییان هەیە.
هەرچەندە میلان پێداگیرە لەسەر مانەوەی ئەم گۆڵپارێزە دەکات کە
181 یاری بۆ تیپەکە ئەنجامداوە، بەڵام پلانێکی یەدەگیشی ئامادە کردووە کە بریتییە
لە گواستنەوەی "هۆگۆ سۆزا"ـی گۆڵپارێزی یانەی کۆرێنتیانزی بەڕازیلی.
لە تۆڕە کۆمەڵایەتیەکان شەیری بکە