3 کاتژمێر پێش ئێستا
146 جار خوێنراوەتەوە
سەدر: ڕێگە نادەین ناوی ئێمە لە پێكهاتەی حكومەتی نوێ بەكاربهێنرێت
پەیام
وەزیرەكەی سەدر پەیامێكی توند ئاڕاستەی هێزە شیعەكان دەكات و دەڵێت: ڕێگە نادەین ناوی ئێمە لە پێكهاتەی حكومەتەكەتان بگلێنن.
ساڵح محەمەد عێراقی كە بە وەزیری موقتەدا سەدر، سەرۆكی ڕەوتی نیشتیمانیی شیعە ناسراوە، لە پۆستێكدا لە پێگەی ئێكس نووسیویەتی: هەوڵێكی گڵاو لەلایەن دەسەڵاتدارانەوە هەیە بۆ ئەوەی ناوی ئێمە لە پێكهاتەی حكومەتەكەیانەوە بگلێنن و دەیانەوێت وا نیشانی بدەن كە حكومەتی داهاتوو سەدرییە، بۆ ئەوەی سەرجەم خراپە و شكستەكان بخەنە ئەستۆی ئێمە.
وەزیرەكەی سەدر ئاماژەی بەوەش داوە لایەنە سیاسییەكان دەیانەوێت ئەو كەسانە بۆ پۆستە حكومییەكان كاندید بكەن كە پێشتر سەر بە رەوتی سەدر بوون بەڵام ئەوان ڕێگە بەوە نادەن لەسەریان هەژمار بكرێت.
ڕاشیگەیاندووە: هەڵوێستمان بەرانبەر هەموو كاندیدەكان ڕوونە مادام لە ناوجەرگە و لە ئامێزی دەسەڵاتی ئێستاوە هاتبوون.
لە تۆڕە کۆمەڵایەتیەکان شەیری بکە