شیعەکان: گوێ بەفشارەكانی ئەمریكا نادەین و پڕۆژەیاسای حەشد تێدەپەڕێنین

پەیام 

لایەنە شیعەكان سوورن لەسەر تێپەڕاندنی یاسای حەشدی شەعبی لەم خولەی پەرلەمانی عێراق و دەڵێن، گوێ بە فشارەكانی ئەمریكا نادەن.

عەبدولسەمەد سالار، سەركردە لە چوارچێوەی هەماهەنگی رایگەیاندووە، لایەنەكانی چوارچێوەی هەماهەنگی سوورن لەسەر ئەوەی لەم خولەی پەرلەمانی عێراقدا كار بكەن بۆ تێپەڕاندنی یاسای حەشدی شەعبی.

سەركردە شیعییەكە دەڵێت، خوێندنەوەی یەكەم و دووەم بۆ یاساكە كراوە و، لەم خولەی پەرلەمانی عێراقدا هەوڵ دەدەن بۆ كۆكردنەوەی دەنگی پێویست بۆ تێپەڕاندنی یاساكە و تەواوبوونی ئەو ناكۆكییەی لەسەری هەیە.

هەروەها راشیگەیاندووە، لەم خولەدا گوێ بە فشارەكانی ئەمریكا نادەن و سوورن لەسەر تێپەڕاندنی پڕۆژە یاساكە.

لە خوولی پێشووی پەرلەمانی عێراقدا خوێندنەوەی یەكەم و دووەم بۆ پڕۆژە یاسای حەشدی شەعبی كرا، ویسترا خوێندنەوەی كۆتایی بۆ بكرێت و دەنگی لەسەر بدرێت، بەڵام بە فشاری ئەمریكا شكستی پێهێنرا و دواخرا بۆ ئەم خولەی پەرلەمان.