ترەمپ بە فەرمی دەستپێكردنی قۆناغی دووەمی ئاگربەستی لە غـ.ەززە ڕاگەیاند

پەیام

دوناڵد تڕەمپ، سەرۆكی ئەمریكا، رایگەیاندووە، لەمڕۆوە  بە فەرمی قۆناغی دووەمی ئاگربەست لە كەرتی غەززە دەست پێ دەكات و تێیدا حكومەتێكی تەكنۆكراتی فەلەستینی بۆ بەڕێوەبردنی كەرتەكە پێكدەهێنرێت و قۆناغی بونیاتنانەوەی كەرتەكەش دەستپێدەكات.

بەپێی ئەوەی دوناڵد تڕەمپ، رایگەیاندووە، قۆناغی دووەمی ئاگربەستی كەرتی غەززە، لە 20 خاڵ پێكدێت و، چەكدانانی بزووتنەوەی حەماس و گرووپە چەكدارە فەلەستینییەكانی دیكەش لەخۆی دەگرێت.

هەروەها راشگەیەنراوە، لەم قۆناغەدا هەموو تونێلەكانی حەماس لەناو دەبرێن، ئەو بزووتنەوەیە چەك دادەنێت و چەكەكانیشی ڕادەست دەكاتەوە، وەك تڕەمپ ئاماژەی بۆ كردووە، لەلایەن قەتەر، توركیا و سعودییەوە گرەنتی ئەو خاڵانە كراوە و جێبەجێ دەكرێت.

لەبارەی ڕووفاتی دواین دیلی زایۆنییەوە، سەرۆكی ئەمریكا رایگەیاند، پێویستە حەماس پابەندی بەڵێنەكەی بێت و ڕووفاتی دواین سەربازی ئیسرائیلی كە ئێستا لە كەرتی غەززەیە ڕادەست بكاتەوە.