19/01/2026
230 جار خوێنراوەتەوە
ئاكپارتی: توركیا دڵخۆشە مافەکانى كورد لەسەر بنەمای یاسا و دەستووری سووریا دابینبكرێن
پەیام
عومەر چەلیك وتەبێژی پارتی داد و گەشەپێدانی توركیا لە پەیامێكدا ڕایگەیاند، مەرسومەكەی ئەحمەد شەرع سەرۆككۆماری سووریا بۆ گرەنتیكردنی مافەكانی كورد لەو وڵاتە، هەنگاوێكی زۆر گرنگە. ڕاشیگەیاند: توركیا دڵخۆشە بەوەی ماف و شایستەییەكانی كورد لەسەر بنەمای یاسا و دەستووری سووریا دابین دەكرێن.
وتەبێژی پارتی داد و گەشەپێدانی دەسەڵاتداری توركیا، هێزەكانی سووریای دیموكرات "هەسەدە" ی بەوە تۆمەتبار كردووە كە پابەندی ڕێككەوتنی 10 ی ئادار نەبووە و ڕاشیگەیاند: چالاكییەكان هەسەدە و ئەو لایەنانەی ڕێنماییان لێ وەردەگرێت هەرەشەن بۆ سەر سووریا و توركیا.
عومەر چەلیك جەختی لەوەش كردەوە، هەسەدە و پەكەكە هەوڵیان دا پرۆسەی توركیای بێتیرۆر و ناوچەی بێ تیرۆر شكستپێبهێنن بەڵام حكومەتی سوریا ڕێگریی لێ كردن و كۆتایی بە ئامانجەكانیان هێنا.
لە تۆڕە کۆمەڵایەتیەکان شەیری بکە